„Hún var yndisleg manneskja og mér þótti mjög vænt um hana. Ég sé mikið eftir henni,“ segir Vigdís Finnbogadóttir, fyrrverandi forseti Íslands, um Elísabetu II. Bretadrottningu. Elísabet lést fyrr í dag, 96 ára að aldri.

Vigdís hitti drottninguna oft í forsetatíð sinni, frá 1980 til 1996, og komu Elísabet og Filippus hertogi af Edinborg í opinbera heimsókn hingað til Íslands árið 1990. 

„Hún var hin mætasta manneskja, og þau hjónin bæði,“ segir Vigdís.

Elísabet II. Bretadrottning ásamt þeim Vigdísi og Filippusi hertoga á Krýsuvíkursvæðinu árið 1990. mbl.is/Árni Sæberg

Hvarf inn í gufuna

„Það var mjög gaman hjá okkur. Við fórum í Krýsuvík og hún hvarf inn í gufuna. Mountbatten sagði: „Where is that woman going?“,“ segir Vigdís og hlær, og vísar þar til Filippusar prins.

Hún segir þær Elísabetu hafa haft náð mjög vel saman. Þær hafi getað talað um allt milli himins og jarðar. 

„En aldrei neitt neikvætt, bara jákvætt. Hún var hláturmild og ég líka.“

Tengdar fréttir

Elísabet II. Bretadrottning

Vilhjálmur prins blés kjarki í enska landsliðið

• Jarðarförin kostaði ríkið 28 milljarða
• Fagnaði 63 árum með hundum Elísabetar
• Upplýst um dánarorsök drottningar
• Hvíla saman í Windsor

» Fleiri tengdar fréttir

• Blogga um frétt