Birna Rún gerir grín að þriðju vaktinni

Leikkonan og grínistinn Birna Rún Eiríksdóttir hefur slegið rækilega í gegn á samfélagsmiðlinum TikTok að undanförnu. Á miðlinum er hún dugleg að deila bráðfyndnum sketsum með fylgjendum sínum þar sem hún tekur á málefnum líðandi stunda á spaugilegan máta. 

Á dögunum deildi Birna fyndnu myndskeiði þar sem hún bregður sér í hlutverk ömmu sinnar, en myndbandið er nokkurskonar ádeila um stöðluð kynjahlutverk innan heimilisins. Í sketsinum leikur Birna samtal á milli sín og ömmu sinnar. 

Í myndbandinu vísar Birna í þriðju vaktina, þar sem hún sinnir vinnu, börnunum og heimilinu á meðan amman dásamar „grey“ eiginmanninn fyrir að ætla að sækja eitt barnanna á æfingu eftir að hafa verið að vinna allan daginn, rétt eins og Birna hafði gert. 

Myndbandið má sjá í heild sinni hér að neðan. 

• Blogga um frétt