Drag Race-stjarna látin

Dragdrottn­ing­in Geor­ge Ward, sem bet­ur er þekkt­ur und­ir sviðsnafni sínu Cherry Valent­ine, er lát­inn 28 ára að aldri. Ward tók þátt í ann­arri þáttaröð RuPaul's Drag Race í Bretlandi og var svo and­lit heim­ild­ar­mynd­ar­inn­ar Gyp­sy Qu­een And Proud. BBC grein­ir frá.

Fjöl­skylda hans greindi frá and­láti hans og sagði það vera mikið áfall að hann hafi fallið frá svo snemma. Hann lést á sunnu­dag.

Áður en hann hóf fer­il sinn sem dragdrottn­ing hafði hann lært geðhjúkr­un­ar­fræði. 

„Við skilj­um hversu mikið hann var elskaður og hversu mörg líf hann hef­ur snert. Við ósk­um eft­ir þol­in­mæði ykk­ar og bæn­um á þess­um tíma. Við elsk­um þig Georgie,“ sagði í til­kynn­ingu frá fjöl­skyld­unni. 

• Blogga um frétt