Ofurfyrirsætan Gisele Bündchen er komin með skilnaðarlögfræðing. Bündchen er gift ruðningskappanum Tom Brady en nú stendur hjónaband þeirra á brauðfótum. 

Fyrirsætan er sögð vera að reyna að finna út hvað hún eigi að gera eins og heimildarmaður People orðar það. Kemur einnig fram að Bündchen sé komin með lögfræðing og er Brady einnig að leita að góðum lögfræðingi. Talsmenn hjónanna vildu ekki tjá sig um nýjustu vendingar. 

Hjónin frægu hafa vakið athygli fyrir farsælt hjónaband sem hefur verið í sviðsljósinu í 13 ár. Það fór að halla undir hjá þeim þegar Brady ákvað að snúa aftur á völlinn í NFL-deildinni. Hann gat ekki einbeitt sér að fjölskyldunni eins og var ætlunin og hefur enn og aftur sett ferilinn fram yfir fjölskylduna. Bündchen hefur ekki mætt á leiki og búa þau ekki saman lengur. 

Frétt af mbl.is

Hörð rifrildi Brady og Bündchen valda áhyggjum

Tengdar fréttir

Ást í Hollywood

Billie Eilish opnar sig um ástarlífið

• Depp slær sér upp með ungri fyrirsætu
• Censori gæti endað á lista yfir kynferðisafbrotamenn
• Eddie Murphy kvæntist ástinni sinni
• Giftu sig í leynilegri athöfn

» Fleiri tengdar fréttir

• Blogga um frétt