Bubbi missti 22 kíló á árinu

Bubbi Morthens greindi frá því í kvöld að hann sé búinn að vera í átaki sem hófst í desember í fyrra og hafi síðan þá misst rúm 22 kíló.

„Á seinasta ári var ég of þungur fann fyrir því orðið alla dag ég ákvað taka þetta einn dag í einu fasta 18 tíma er samt að borða allt æfi 5-6 daga í viku létti allar þyngdir,“ segir Bubbi á Facebook-síðu sinni í færslu sem hann birti í kvöld ásamt mynd af sér í líkamsræktarstöð. 

Þar kemur einnig fram að Bubbi hafi verið 104 kíló þegar átakið hófst en sé nú búinn að létta sig og vegi nú 81,8 kíló.

Bubbi segist hafa keyrt mikið á úthaldsæfingum og mikilli brennslu ásamt því að berja hnefaleikapúða, fara í stigavélina og hjóla.

Frétt af k100.is

Bubbi: „Rosalegar sögur sem ég er að fá“

Vill léttast enn meira

Þó árangurinn sé mikill hefur Bubbi enn ekki enn náð markmiðinu sínu sem er að vera 78 kíló. 

„Ég var að æfa í miklum þyngdum sem fóru illa með alla lið[i] í dag er ég léttur sem hind,“ segir Bubbi að lokum og bætir við tjákni af hnykluðum upphandleggsvöðva.

• Blogga um frétt