Leðurblökur á varalitnum

Snyrti­vöru­fram­leiðand­inn Rock And Roll Beauty hef­ur kynnt sam­starf sitt við mann úr ólík­legri átt, málml­ista­mann­inn Ozzy Os­bour­ne. Um er að ræða tak­markað upp­lag af snyrti­vöru­línu sem inn­blás­in er af Myrkra­höfðingj­an­um sjálf­um, eins og kunn­ingj­ar hans og aðdá­end­ur kalla Ozzy gjarn­an.

Snyrti­vör­urn­ar taka mið af ein­stök­um stíl og út­liti Ozzys og eru að sögn tals­manna Rock And Roll Beauty löðrandi í rokki. Við erum að tala um 21 vöru­teg­und, svo sem augnskugga sem heita eft­ir vin­sæl­um lög­um kapp­ans á borð við Iron Man, Zombie Stomp og Crazy Train, kerti, svart­an málm­varalit, snyrti­budd­ur, skamm­tíma­húðflúr og speg­il með goþþbrag. 

Að sjálf­sögðu er leður­blök­ur að finna á varalitn­um hans Ozzys sem Rock And Roll Beauty fram­leiðir. Rock And Roll Beauty

At­hygli vek­ur að leður­blök­ur eru grafn­ar í varalit­inn en Ozzy teng­ist þeim, eins og menn þekkja, órofa bönd­um.

Ozzy er ekki fyrsti rokk­ar­inn sem geng­ur til sam­starfs við Rock And Roll Beauty en þar voru fyr­ir á mála hljóm­sveit­in Def Lepp­ard og Jimi nokk­ur Hendrix enda þótt sá síðast­nefndi viti nú senni­lega mest lítið af því öllu sam­an.