Veröld/Fólk | mbl | 11.10.2022 | 22:44

Vel heppnuð tilraunastarfsemi

Kenýski tónlistarmaðurinn KMRU kom fram á Húrra á föstudag en hann er rísandi stjarna í tilraunakenndri raftónlist þar sem vettvangsupptökum og spuna er blandað saman. Ljósmynd/Ómar Sverrisson

Extreme Chill hátíðin fór fram í þrettánda skipti í miðborginni um helgina. Tónleikar og viðburðir fóru fram á fjölmörgum stöðum þar sem innlendir og erlendir tónlistarmenn komu fram. Hátíðin er í örum vexti og hefur með hverju árinu stækkað að umfangi og metnaði. Hér má sjá ljósmyndir Ómars Sverrissonar af hátíðinni.

Austurríkismaðurinn Fennesz hefur um áratugaskeið verið eitt helsta nafnið í ambient-geiranum og hefur áður komið til landsins. Hann hélt vel heppnaða tónleika á Húrra á laugardagskvöldið. Ljósmynd/Ómar Sverrisson

Þær eru ófáar snúrurnar sem þarf að tengja og takkarnir sem þarf að snúa eru margir á hátíð á borð við Extreme Chill sem var haldin í þrettánda sinn um helgina. Hér sjást Stereo Hypnosis framkalla sinn seið í Fríkirkjunni á sunnudag ásamt Erraldo Berrnochi og Christopher Chaplin. En sá síðarnefndi er yngsti sonur Hollywood-stjörnunar ódauðlegu. Ljósmynd/Ómar Sverrisson

Pan Thorarensen sem er íklæddur húfu á myndinni hefur verið prímusmótorinn á bak við hátíðina frá upphafi. Hér sést hann á sviði í Fríkirkjunni með félögum sínum í Stereo Hypnosis. Ljósmynd/Ómar Sverrisson

Sóley Stefánsdóttir hélt kyngimagnaða tónleika í Tjarnarbíói á fimmtudagskvöld. Ljósmynd/Ómar Sverrisson

Japanski raftónlistarmaðurinn Meitei hefur vakið athygli um allan heim fyrir tónlist sína sem þykir endurspegla japanska menningu með nýstárlegum hætti. Hér sést hann á sviði á Húrra. Ljósmynd/Ómar Sverrisson