Há­kon, krón­prins Nor­egs, og Guðni Th. Jó­hann­es­son, for­seti Íslands, gengu að gosstöðvun­um við Fagra­dals­fjall eft­ir há­degið í dag. Guðni, sem kom frá frá Portúgal í nótt, tók á móti krón­prins­in­um í Leifs­stöð í dag. 

Sam­an gengu þeir, ásamt fríðu föru­neyti, að gosstöðvun­um. Með í för var Krist­ín Jóns­dótt­ir eld­fjalla­fræðing­ur og fræddi hún hóp­inn um eld­virkni á Reykja­nesskaga. 

Í kvöld bjóða for­seta­hjón­in svo krón­prins­in­um til kvöld­verðar að Bessa­stöðum. Há­kon er stadd­ur hér á landi til að taka þátt í Hring­borði norður­slóða sem hefst í Hörpu á morg­un, fimmtu­dag.