West hyggst kaupa samfélagsmiðil

Fjöllistamaðurinn Kanye West hefur fallist á að kaupa samfélagsmiðilinn Parler. Um er að ræða miðil sem er einkum vinsæll meðal hægri-sinnaðra Bandaríkjamanna. 

Frétt af mbl.is

Segja upp viðskiptum við West

Frétt af mbl.is

West kominn langt yfir strikið

„Í heimi þar sem íhaldssamar skoðanir eru umdeildar, verðum við að tryggja að við höldum rétti okkar til að frjálsrar tjáningar,“ er haft eftir rapparanum í tilkynningu frá fyrirtækinu. 

Upp á síðkastið hefur West lent í útistöðum við stjórnendur samfélagsmiðlanna Twitter og Instagram, eftir að birta þar efni sem inniheldur níð og hatursorðræðu um gyðinga. Var lagt bann á hann vegna þessa, þar sem efnið brýtur í bága við reglur miðlanna. 

Parler er samfélagsmiðill sem gefur sig út fyrir að vera leiðandi afl í baráttunni gegn valdamiklum tæknirisum, ríkisvaldi, ritskoðun og slaufunarmenningu (e. cancel culture). 

Í september lýsti fyrirtækið því yfir að áhersla yrði lögð á notendur, sem hefði verið úthýst af öðrum samfélagsmiðlum. Framkvæmdastjóri Parlor telur West ætla sér að breyta heiminum og breyta því hvernig samfélagið lítur á málfrelsi. 

• Blogga um frétt