Viðsnúningur hjá Netflix
Setja bókamerki
Áskrifendum að streymisveitunni Netflix fjölgaði um 2,4 milljónir á síðasta ársfjórðungi. Þetta kemur fram í skýrslu streymisveitunnar sem kynnt var í gær. Áskrifendum fækkaði mikið á fyrstu sex mánuðum ársins, en Netflix hefur tekist að snúa úr vörn í sókn.
Í lok þriðja ársfjórðungs voru áskrifendur að veitunni yfir 223 milljónir um allan heim. Hlutabréf í Netflix hækkuðu um 13% í kjölfarið, en bréfin lækkuðu talsvert fyrr á árinu þegar greint var frá fækkun áskrifenda.
Breytingar eru fram undan hjá streymisveitunni sem í nóvember býður nýja, ódýrari áskriftaleið, en henni mun fylgja auglýsingar. Mun hún kosta þremur bandaríkjadölum minna en hefðbundin áskrift, eða 6,99 bandaríkjadali.
Netflix vinnur að því með Microsoft að undirbúa nýju áskriftaleiðina, en auglýsingaplássin hafa verið eftirsótt að sögn Greg Peters, meðframkvæmdastjóra Netflix. „Við höfum þurft að senda fólk frá okkur því markaðsdeildin okkar hefur ekki tök á að þjónusta alla,“ sagði Peters.
Helsti keppinautur Netflix, Disney+, hefur tilkynnt um sambærileg áform, en ráðgert er að ný og ódýrari áskriftarleið með auglýsingum verði tekin í gagnið í desember á þeirri streymisveitu.
Í ársfjórðungsskýrslu Netflix kemur einnig fram að búist er við 4,5 milljónum áskrifenda í viðbót fyrir lok árs.
Ein flugbraut eftir á Reykjavíkurflugvelli
Óskar atbeina Alþingis vegna byrlunar
Nýtt að gestalistinn sé umræðuefni á Alþingi
Lofaði kjósendum að knýja fram breytingar
„Meiri ágreiningur en við áttum von á“
„Það var blóðlykt“
Neyðarástand: Merki um landris og þúsundir flýja
Svo er framtíðin óskrifað blað