Átjánda glæpasaga Yrsu á leið til landsins

Glæpasagan Gættu þinna handa eftir Yrsu Sigurðardóttur er nú á leið til landsins og verður komin í verslanir um næstu helgi. Glæpasaga eftir Yrsu hefur aldrei áður komið út í október.

Í bókinni snýr aftur lögregluteymið sem Yrsa kynnti til sögunnar í Lok lok og læs en sú bók var tilnefnd til Blóðdropans sem besta íslenska glæpasagan 2021. Um er að ræða átjándu glæpasögu Yrsu, að því er kemur fram í tilkynningu. 

„Fimm vinir halda til Vestmannaeyja um miðjan vetur. Tilefnið er sorglegt, jarðarför gamallar vinkonu, en endurfundirnir eru líka ánægjulegir. Fljótlega verður þó ljóst að þau eiga óuppgerð mál úr partíi sem þau héldu sjö árum fyrr á stúdentagarði og hlaut örlagaríkan endi og ekki er víst að allir eigi afturkvæmt úr þessari ferð," segir í tilkynningunni um söguþráðinn. 

• Blogga um frétt