Myndi fara á stefnumót með Davidson

Sjónvarpsstjörnunni Mörthu Stewart líst alls ekki illa á að fara á stefnumót með kvennabósanum og grínistanum Pete Davidson. Stewart, sem er 81 árs, sagði að hinn 28 ára gamli Davidson væri ansi sætur og að henni fyndist húðflúr hans ekki fráhrindandi.

Davidson kom til tals í þættinum The Drew Barrymore Show á dögunum þar sem þær Stewart og Barrymore ræddu um hvað það væri sem heillaði Stewart í fari karlmanna. 

„Hann er með jafn mörg húðflúr og Pete Davidson,“ sagði Barrymore, þá lyfti Stewart upp grænum fána til að gefa til kynna að það heillaði hana. „Ókei, þú ert að fara á stefnumót með Davidson,“ sagði Barrymore og lyfti þá Stewart aftur upp græna fánanum. 

„Hann er búinn að fara á stefnumót með svo mörgum konum,“ sagði Stewart og sagði það alls ekki fráhrindandi. „Nei, ég er ekki að segja að það sé slæmt. Mér finnst það gott og hann er líka svolítið sætur,“ sagði Stewart.

Hún rifjaði upp að þau hefðu tekið þátt í sama viðburði fyrir nokkrum árum. „Hann er frábær náungi,“ sagði Stewart.

Davidson er sannarlega kvennabósi en hann var síðast í tygjum við raunveruleikastjörnuna Kim Kardashian. Þau hættu saman í ágúst, en hann hefur líka verið í slagtogi við Ariönu Grande, Kate Beckinsale, Margaret Qualley og Kaiu Gerber.

Frétt af mbl.is

Allar sjúkar í Davidson

Pete Davidson er vinsæll. AFP

• Blogga um frétt