37 þjóðir munu taka þátt í Eurovision í Liverpool á næsta ári. Þetta kemur fram í tilkynningu frá Sambandi evrópskra sjónvarpsstöðva (EBU), en þrjár þjóðir hafa dregið sig úr keppni vegna hærra keppnisgjalda. Rússar fá ekki að taka þátt í keppninni vegna innrásarinnar í Úkraínu. 

Tilkynnt var fyrr í október að Búlgaría, Norður-Makedónía og Svartfjallaland hefðu ákveðið að skrá sig ekki í keppnina. Þátttökugjald í Eurovision hefur hækkað á milli ára, en upphæðin fer eftir stærð landsins. 

Rússum var meinað að taka þátt í Eurovision á þessu ári vegna innrásarinnar í Úkraínu og hefur ekki verið boðið að taka þátt á því næsta. 

Úkraína vann Eurovision á síðasta ári, en vegna innrásarinnar tók EBU þá ákvörðun að keppnin yrði ekki haldin þar á næsta ári. Bretland, sem lenti í 2. sæti í Tórínó, heldur keppnina fyrir Úkraínu og mun keppnin fara fram í Liverpool.

Úkraína, Bretland, Þýskaland, Ítalía, Frakkland og Spánn þurfa ekki að taka þátt í undankeppninni.

Eurovision fer fram í Liverpool 9., 11. og 13. maí á næsta ári.

Tengdar fréttir

Eurovision

„Þarf að spreyja okkur með eldvarnarefni“

• Þessi komust áfram í söngvakeppninni
• „Aldrei lagt eins mikið á mig fyrir eins fáar mínútur“
• Aldrei verið framkvæmt áður
• Slógu í gegn með „næstum“ Eurovision-lagi Íslands og sigla á svið

» Fleiri tengdar fréttir

• Blogga um frétt