Penélope Cruz á leið til Íslands
Setja bókamerki
Tengdar fréttir
Frægir á Íslandi
Evrópska kvikmyndaakademían tilkynnti í gær hverjir eru tilnefndir í aðalflokkum Evrópsku kvikmyndaverðlaunanna en þau verða haldin hér á landi í Hörpu, 10. desember næstkomandi. Hátíðin er haldin annað hvert ár í Berlín en þess á milli í öðrum evrópskum borgum.
Leikkonan Penélope Cruz mun mæta á hátíðina í Hörpu en hún er tilnefnd sem besta leikkonan fyrir Parallel Mothers. Breski leikarinn Kenneth Branagh, sem er tilnefndur fyrir besta handritið fyrir BELFAST, og sænski leikstjórinn Ruben Östlund sem er tilnefndur fyrir bestu evrópsku kvikmyndina, besta leikstjórann og besta handritið fyrir kvikmyndina Triangle of Sadness.
Leikarinn Elliott Crosset Hove tilnefndur sem besti evrópski leikarinn fyrir leik sinn í kvikmyndinni GODLAND eftir íslenska leikstjórann Hlyn Pálmason.
Þetta er í 35. skipti sem kvikmyndaverðlaunin eru haldin og að því tilefni var ákveðið í fyrsta sinn að kynna tilnefningar með myndbandi. Framleiðslan var unnin í samstarfi Evrópsku kvikmyndaakademíunnar og Íslandsstofu. Íslenski leikstjórinn Arnar Helgi Atlondres var fenginn til að leikstýra myndbandinu þar sem Ísland spilar stórt hlutverk ásamt tónlist eftir tónskáldið Atla Örvarsson. Fólk úr íslenska kvikmyndaiðnaðinum var fengið til að kynna tilnefningarnar, má þar nefna Baltasar Kormák, Halldóru Geirharðsdóttur og Benedikt Erlingsson.
Nóvember er tileinkaður evrópskri kvikmyndagerð en allar kvikmyndirnar sem eru tilnefndar sem besta kvikmynd til Evrópsku kvikmyndaverðlaunanna verða sýndar í Bíó Paradís. Einnig verða sérstakar spurt og svarað sýningar með heiðursverðlaunahöfum, ásamt fjölda sérviðburða í Bíó Paradís. Sýningarnar munu fara fram aðdraganda verðlaunanna.
Tilnefningar eru eftirfarandi:
Besta evrópska kvikmyndin:
ALCARRÀS, leikstjóri Carla Simón, framleidd af María Zamora, Stefan Schmitz, Tono Folguera og Giovanni Pompili. (Spánn/Ítalía)
CLOSE, leikstjóri Lukas Dhont, framleidd af Michiel Dhont, Dirk Impens, Michel Saint-Jean, Laurette Schillings, Arnold Heslenfeld, Frans van Gestel og Jacques-Henri Bronckart (Belgía/Frakkaland/Holland)
CORSAGE, leikstjóri Marie Kreutzer, framleidd af Alexander Glehr, Johanna Scherz, Bernard Michaux, Jonas Dornbach, Janine Jackowski, Maren Ade & Jean-Christophe Reymond (Austurríki/ Luxemburg/ Þýskaland/Frakkland)
HOLY SPIDER, leikstjóri Ali Abbasi, framleidd af Sol Bondy & Jacob Jarek (Danmörk/Þýskaland/ Svíþjóð/ Frakkland)
TRIANGLE OF SADNESS, leikstjóri Ruben Östlund, framleidd af Erik Hemmendorff & Philippe Bober (Svíþjóð/ Þýskaland/ Frakkland/ Bretland)
Besta evrópska heimildamyndin:
A HOUSE MADE OF SPLINTERS, leikstjóri Simon Lereng Wilmont (Danmörk/ Svíþjóð/ Finnland/ Úkraína)
GIRL GANG, leikstjóri Susanne Regina Meures (Sviss)
MARIUPOLIS 2, leikstjóri Mantas Kvedaravičius (Litháen/ Frakkland/ Þýskaland)
THE BALCONY MOVIE, leikstjóri Paweł Łoziński (Pólland)
THE MARCH ON ROME, leikstjóri Mark Cousins (Ítalía)
Besti evrópski leikstjórinn:
Lukas Dhont fyrir CLOSE
Marie Kreutzer fyrir CORSAGE
Jerzy Skolimowski fyrir EO
Ali Abbasi fyrir HOLY SPIDER
Alice Diop fyrir SAINT OMER
Ruben Östlund fyrir TRIANGLE OF SADNESS
Besta evrópska leikkonan:
Vicky Krieps fyrir CORSAGE
Zar Amir Ebrahimi fyrir HOLY SPIDER
Léa Seydoux fyrir ONE FINE MORNING
Penélope Cruz fyrir PARALLEL MOTHERS
Meltem Kaptan fyrir RABIYE KURNAZ VS. GEORGE W. BUSH
Besti evrópski leikarinn:
Paul Mescal fyrir AFTERSUN
Eden Dambrine fyrir CLOSE
Elliott Crosset Hove fyrir GODLAND
Pierfrancesco Favino fyrir NOSTALGIA
Zlatko Burić fyrir TRIANGLE OF SADNESS
Besta evrópska handritið:
Carla Simón og Arnau Vilaró fyrir ALCARRÀS
Kenneth Branagh fyrir BELFAST
Lukas Dhont og Angelo Tijssens fyrir CLOSE
Ali Abbasi og Afshin Kamran Bahrami fyrir HOLY SPIDER
Ruben Östlund fyrir TRIANGLE OF SADNESS
Tengdar fréttir
Frægir á Íslandi
„Aðstæður í stjórnmálum geta breyst á einni nóttu“
Barn lést í árásinni
„Mér finnst gamla Samfylkingin komin aftur“
Segir að verið sé að svindla á Bandaríkjunum
Lyklaskipti í ráðuneytunum
Hrikalegt að heyra fréttirnar
Beint: Ný ríkisstjórn tekin við völdum
Alvarleg netárás á Wise