Virðist ekki vera einmana eftir skilnaðinn
Setja bókamerki
Brasilíska ofurfyrirsætan Gisele Bündchen skellti sér beint í sólina til Kosta Ríka eftir skilnað hennar og ruðningskappans Toms Bradys. Bündchen og Brady voru gift í 13 ár og eiga saman tvö börn.
Skilnaðurinn hefur verið áberandi í fjölmiðlum síðustu mánuði, en sögusagnir um skilnaðinn hófust í september eftir hörð rifrildi milli þeirra.
Á veitingastað með börnunum
Fyrirsætan virðist þó ekki vera einmana í Kosta Ríka þar sem hún sást njóta kvöldverðar með nýjum manni, jiu-jitsu kennaranum Joaquim Valente á laugardaginn.
Þau fengu sér að borða á veitingastaðnum Koji með börnum Bündchen og Brady, þeim Benjamin og Vivian sem eru 12 ára og 9 ára gömul.
Höfðu eytt tíma saman áður
Lítið er vitað um meint ástarsamband þeirra, en fram kemur á vef Page Six að þau hafi þekkst. Árið 2021 fóru þau í myndatöku saman ásamt bræðrum jiu-jitsu kappans, þeim Pedro og Giu Valente.
Í febrúar síðastliðnum lék fyrirsætan frumraun sína í jiu-jitsu og þakkaði bræðrunum fyrir að vera „æðislegir kennarar“ á Instagram-reikningi sínum.
Braut ítrekað á barnungri dóttur sambýliskonunnar
/frimg/1/35/4/1350480.jpg)
Covid-19 aftur á skrið
Veðurstofan bíður nú átekta
Óþarflega illa talað um veðrið
Sagðist ætla að fara frá Dagbjörtu
Tekur tilkynningu Veðurstofunnar með fyrirvara
Móðir Dagbjartar: Mjög skýr, klár og ákveðin kona