Laddi fær þriðja hjartasteininn

Leikarinn og skemmtikrafturinn Laddi var í kvöld sæmdur þeim heiðri að vera hinn nýjasti hjartasteinn Hafnarfjarðarbæjar, sem afhjúpaður var núna rétt í þessu.

Bætist Laddi því í hóp tveggja annarra hjartasteina, sem þau Björgvin Halldórsson og Guðrún Helgadóttir heitin höfðu áður verið sæmd. Steinarnir þrír eru við innganginn að Bæjarbíói, einum helsta samkomustað bæjarins.

Frétt af mbl.is

Bó hlýtur fyrsta Hjartastein Hafnarfjarðar

Frétt af mbl.is

Hjartasteinn í minningu Guðrúnar Helgadóttur

Hafnarfjörður eins og Hollywood

„Þetta er rosalega skemmtilegt  og mikill heiður,“ sagði Laddi þegar mbl.is náði tali af kappanum. „Bara glæsilegt.“

„Þetta er bara eins og í Hollywood, þetta er ekkert öðruvísi. Hafnarfjörður er bara orðinn eins og Hollywood,“ gantaðist Laddi en hann er fæddur og uppalinn í bænum.

Fyrsti hjartasteinninn var afhjúpaður í fyrra en forsagan er þó lengri, þar sem upphaflega, sumarið 2019, var um að ræða stjörnur sem svipa til þeirra sem prýða Frægðargötuna í Hollywood (e. Walk of Fame).

Endaði það með því að bænum var gert að fjarlægja stjörnuna af viðskiptaráðinu í Hollywood og bærinn bjó til nýja hönnun: Hjartasteininn.

Frétt af mbl.is

Stjarna Björgvins fjarlægð

• Blogga um frétt