Tekur sér hlé vegna hættunnar á alzheimer

Ástralski leikarinn Chris Hemsworth hefur ákveðið að taka sér tímabundið hlé frá leiklistinni eftir að hann komst að því að hann sé í hættu á að þróa með sér alzheimersjúkdóminn. Hemsworth er hvað þekktastur fyrir að fara með hlutverk Thors í kvikmyndum um ofurhetjuna. 

Hemsworth sagði frá því í viðtali við Vanity Fair í síðustu viku að hann hefði nýverið komist að því að hann væri með tvö gen sem auka líkurnar á alzheimersjúkdómnum og öðrum elliglöpum. 

Frétt af mbl.is

Segir líklegt að hann fái alzheimer

Það að Hemsworth sé með tvö ein­tök af geninu ApoE4 bend­ir til þess að hann hafi hlotið það frá báðum for­eldr­um. Einn af hverj­um fjór­um er lík­leg­ur til að hafa eitt ein­tak af geninu. Hins veg­ar benda rann­sókn­ir til þess að aðeins 2-3% séu með tvö ein­tök af um­ræddu geni. Hemsworth er því tíu sinn­um lík­legri til þess að grein­ast með heila­bil­un á efri árum.

Hann tók þó skýrt fram að ekki væri um greiningu að ræða, heldur aðeins auknar líkur. Þetta kom í ljós þegar hann var í þáttunum Limitless sem Disney+ framleiðir. 

„Það er ekki eins og ég hafi fengið uppsagnarbréf,“ sagði Hemsworth sem er samt hættur störfum í þáttunum. „Þegar maður er viðkvæm­ur fyr­ir ein­hverju þá snýst allt um góðan næt­ur­svefn, halda streitu í lág­marki og passa upp á að fá góða nær­ingu og hreyfa sig. Þetta eru alltaf sömu tól­in sem þarf stöðugt að nota,“ sagði Hemsworth.

• Blogga um frétt