Hollywood eigi enn langt í land í MeToo-byltingunni
Setja bókamerki
Leikkonan Margot Robbie segir Hollywood enn eiga langt í land í MeToo-byltingunni, en þar þrífist enn kynferðisleg áreitni og misnotkun.
MeToo-herferðin hófst í kjölfar fjölmargra ásakana um kynferðisofbeldi á hendur kvikmyndaframleiðandans Harvey Weinstein árið 2017, þar sem fjölmargar stjörnur, þar á meðal Gwyneth Paltrow, Jennifer Lawrence og Uma Thurman, sögðu frá reynslu sinni.
Weinstein var dæmdur í 23 ára fangelsi í New York-borg árið 2020 fyrir nauðgun og önnur kynferðisbrot.
Síðan þá hafa konur um allan heim greint frá því á samfélagsmiðlum að þær hafi orðið fyrir kynferðislegri áreitni og kynferðislegu ofbeldi undir myllumerkinu #MeToo.
Aðalvandamálið sé „gráa svæðið“
Robbie segir vandamálið ekki vera leyst, en fram kemur á vef Daily Mail að hún hafi rætt um málið á bresku . „En þetta stefnir örugglega í rétta átt,“ sagði leikkonan. Hún telur aðalvandamálið við áreitni á vinnustað vera „gráa svæðið“ sem gerendur treysti á, en hún viðurkennir að hafa ekki skilið það sjálf fyrr en hún lék í kvikmyndinni Bombshell árið 2019.
Kvikmyndin er byggð á þeim ásökunum starfsmanna Fox News um kynferðislega áreitni á hendur stofnandans, Roger Ailes. Robbie fór með hlutverk Kayla Pospisil, en persónan var byggð á nokkrum raunverulegum frásögnum kvenna á vinnustaðnum.
Hún segir það hafa verið átakanlegt að átta sig á því að ofbeldið ætti sér stað á þessu gráa svæði sem menn eins og Roger Ailes og Harvey Weinstein nýa sér.
Best að skella á og hringja strax í bankann
Kostnaður áætlaður 8,6 milljarðar
Frömdu hundruð stríðsglæpa í árásinni
Íslenskt tónskáld tilnefnt til Emmy verðlauna
Í sjokki þegar þau sáu konuna í sjónum
Ráðist á bandaríska herstöð í Írak
Langþráð hótel gæti risið á næsta ári
Íranir hafna allri aðild að banatilræðinu