Einn sá besti frumsýnir nýju ástina
Setja bókamerki
Norski markahrókurinn Erling Haaland nýtur sín nú í rómantísku fríi á Marbella með kærustu sinni, Isabel Haugseng Johansen. Erling er í tveggja vikna fríi þar sem Noregur náði ekki að tryggja sér sæti á heimsmeistaramótinu í knattspyrnu sem fer fram í Katar um þessar mundir.
Fram kemur á vef Daily Mail að Erling og Isabel hafi þekkst í mörg ár, en þau kynntust í heimabæ sínum, Bryne í Noregi. Þau eru bæði sögð hafa leikið með knattspyrnufélagi í Bryne, og eftir margra ára vináttu hafi neisti kviknað á milli þeirra. Þá eru þau sögð hafa verið saman í marga mánuði, en haldið sambandinu fjarri sviðsljósinu.
Erling spilar sem framherji með enska úrvalsdeildarliðinu Manchester City og er markakóngur liðsins um þessar mundir með 23 mörk í 18 leikjum. Nýverið var hann kallaður „besti framherji í heimi“ af Jürgen Klopp, knattspyrnustjóra Liverpool, á meðan Pep Guardiola, knattspyrnustjóri Manchester City, sagði hann einfaldlega vera fullkominn.
Kappræður leiðtoganna
„Mikið framfaraskref fyrir lækna“
„Ég held að þetta sé allt saman á góðri leið“
Ný könnun: Flokkur fólksins og Framsókn bæta við sig
Svartsengislína: Líklega aftur í rekstur fyrir helgi
Hraunflæðinu í átt að Svartsengi er lokið í bili
Settu á svið umferðarslys til að svíkja út fé
Mega lækka lífeyrisrétt yngra fólks
