Ekið á stjörnuköttinn Diegó

Aðdáendur kattarins Diegó bíða nú milli vonar og ótta eftir að keyrt var á hann. Diegó er sennilega með vinsælustu köttum landsins en rúmlega 9 þúsund manns eru í hópnum Spottaði Diegó á Facebook.

Samkvæmt upplýsingum er fram koma í hópnum ók bifreið á Diegó í morgun og slasaðist hann talsvert. Var farið með hann á dýraspítala í kjölfarið. 

Diegó hefur vanið komu sína í Hagkaup í Skeifunni og kannast vegfarendur í Skeifunni margir hverjir við hann. Þá birtast reglulega myndir og myndbönd af honum í hópnum. Nú hrannast inn batakveðjur til kattarins knáa sem sannarlega á sér marga aðdáendur.

• Blogga um frétt