Lést klukkustundum eftir brúðkaupið

Sveitasöngvarinn Jake Flint er látinn 37 ára að aldri. Lést hann aðeins nokkrum klukkustundum eftir að hann gekk í hjónaband með Brendu Flint.

Ekki er búið að skera úr um orsök andlátsins. 

Söngvarinn lést í svefni aðfaranótt mánudags, en þau Brenda höfðu gengið í hjónaband á laugardaginum. 

„Við ættum að vera fara saman í gegnum brúðkaupsmyndirnar okkar. Þess í stað er ég að velja í hvaða fötum hann verður grafinn. Mannfólkið er ekki gert fyrir svona mikinn sársauka,“ skrifaði hún á Facebook.

Flint var ákaflega vinsæll sveitasöngvari í Bandaríkjunum og var á tónleikaferðalagi um landið. Tók hann sér frí frá tónleikum til þess að kvænast ástinni sinni, en átti að snúa aftur á sviðið á morgun, föstudag.

• Blogga um frétt