Fannst látinn á hótelherbergi

Stephen „tWitch“ Boss fannst látinn á hótelherbergi í Los Angeles á þriðjudaginn. Boss var aðeins fertugur að aldri þegar hann lést. Hann var plötusnúður í vinsælum spjallþáttum Ellenar DeGeneres. 

Fram kemur á vef TMZ að um sjálfsvíg hafi verið að ræða. Eiginkona hans er sögð hafa hringt á lögreglu þegar hún áttaði sig á því að hann fór af heimili þeirra án þess að fara á bílnum. 

Eiginkona hans, Allison Holker Boss, sendi frá sér tilkynningu á vef People. „Ég er viss um að það líði ekki sá dagur sem við heiðrum ekki minningu hans. Ég bið um frið á þessum erfiðum tímum fyrir mig og sérstaklega börnin okkar þrjú,“ skrifaði hún. 

Boss byrjaði að koma fram í spjallþáttunum árið 2014 en síðasti þátturinn fór í loftið fyrr á árinu. Hann gerði meira en að spila tónlistina. Árið 2020 var hann framleiðandi þáttanna. 

Ef ein­stak­ling­ar glíma við sjálfs­vígs­hugs­an­ir er bent er á hjálp­arsíma Rauða kross­ins, 1717. Einnig má hafa sam­band við Píeta-sam­tök­in sem veita ókeyp­is ráðgjöf í síma 552-2218.

• Blogga um frétt