Dyrnar loks opnaðar aftur í Kringlunni

Sambíóin Kringlunni opnuðu loksins dyrnar upp á gátt í morgun að loknum framkvæmdum sem staðið hafa yfir undanfarna mánuði. Ráðist var í metnaðarfullar breytingar á aðkomu og veitingasölu bíósins og einnig tókum við inn nýja liti. Óhætt er að segja að ásýnd Bíósins hafi tekið stakkaskiptum og er nú öll hin glæsilegasta.

Paolo Gianfrancesco hjá THG Arkitektum sá um að hanna endurbæturnar á húsnæðinu þar sem upplifun og þarfir bíógesta voru höfð að leiðarljósi en á sama tíma var passað upp á að viðhalda þeim góða anda og stemningu sem ætíð er að finna í Sambíóunum Kringlunni. Opnunartími Sambíóanna Kringlunni verður lengri en víða annars staðar en sýningar munu hefjast fyrr á daginn og um helgar verður boðið upp á morgunbíó sem vonandi kemur fjölskyldufólki og öðrum morgunhönum sérlega vel.

Avatar 2 frumsýnd í dag

Í dag er frumsýningardagur á stórmyndinni Avatar: The Way of Water eftir James Cameron, sem er framhald af Avatar sem var frumsýnd 2009, tekjuhæstu kvikmynd allra tíma. Sambíóin Kringlunni ætla því að fagna enduropnun bíósins og frumsýningardegi Avatar: The Way of Water með því að sýna myndina í heilan sólarhring.

Frétt af mbl.is

Hera og Ásgeir Kolbeins létu sig ekki vanta

Frétt af mbl.is

Nýja Avatar-myndin sýnd í sólarhring

Stærsta og metnaðarfyllsta breytingin á bíóinu er án nokkursvafa glænýr og glæsilegur Lúxussalur sem mun bjóða upp á það allra besta sem völ er á þegar kemur að hljóð- og myndgæðum. Salurinn kemur til með að rúma 70 manns. Sætin verða fyrsta flokks með öllum þeim þægindum sem hægt er að hugsa sér og einnig mun salurinn luma á nýjung hér á landi þegar kemur að bíóupplifun en fremst í salnum verða legusæti þar sem virkilega er hægt að láta fara vel um sig líkt og í sófanum heima. Aftast í salnum verður svo að finna sérstök parasæti eða „private panel“ þar sem pör geta legið þétt saman og notið sýningarinnar.

Vígður í janúar

Lúxussalurinn er ekki alveg tilbúinn en framkvæmdirnar eru á lokametrunum og verður salurinn vígður með pompi og prakt í janúar.

Ekki skyggir það á að núna í desember verður Avatar: The Way of Water komin í sýningu eins og áður segir og svo í síðar í jólamánuðinum eru væntanlegar í sýningu myndirnar I Wanna Dance With Somebody sem fjallar um ævi og störf stórsöngkonunnar Whitney Houston og teiknimyndin um Stígvélaðaköttinn Puss in Boots: The Last Dance.

Strax í janúar á nýju ári eru nokkrar stórmyndir væntanlegar en það eru Babylon með Brad Pitt og Margot Robbie í aðalhlutverkum og tvær íslenskar myndir Napóleonsskjölin og Villibráð. Ekki má gleyma Metropolitan óperunni sem snýr aftur í Sambíóin Kringluna eftir hart nærri tveggja ára hlé.

• Blogga um frétt