TikTok-kynslóðin uppgötvar frændhygli í Hollywood

Ungt fólk fætt í kring­um alda­mót­in síðustu gap­ir nú af undr­un yfir hverju mynd­band­inu á fæt­ur öðru á TikT­ok sem fjall­ar um svo­kölluð kúltúr­börn (e. nepo babies). Í mynd­bönd­un­um eru tald­ar upp fræg­ar stjörn­ur í skemmt­anaiðnaðinum sem fædd­ust inn í geir­ann, það er, eiga for­eldra sem á einn eða ann­an hátt tengj­ast kvik­myndaiðnaðinum. 

Blöskr­ar mörg­um þessi frænd­hygli sem virðist ríkja í iðnaðinum og virt­ust marg­ir hissa á að kom­ast að því að upp­á­halds­leik­ar­ar þeirra í til dæm­is Stran­ger Things og Eu­oph­oria eigi fræga for­eldra. Það er til dæm­is Maya Hawke, sem leik­ur í Stran­ger Things og er dótt­ir Umu Thurm­an og Et­h­an Hawke. Og svo er það Mau­de Apatow sem leik­ur í Eup­horia og er dótt­ir leik­stjór­ans Judd Apatow og leik­kon­unn­ar Leslie Mann.

Frétt af mbl.is

Lík­ist móður sinni mikið

Átrúnaðargoðin eiga fræga for­eldra

Tíma­ritið Vult­ure kynti svo vel und­ir pott­in­um þegar þar birt­ist grein þar sem fjallað er ít­ar­lega um kúltúr­börn­in.

Virðist yngri kyn­slóðin erfitt með að kyngja þeim bita að stjörn­urn­ar hafi átt greiðari leið inn í brans­ann vegna ætt­ern­is síns. Sum kúltúr­börn hafa stigið inn umræðuna, eins og til dæm­is Maya Hawke, sem sagði að hún sem og önn­ur kúltúr­börn fái tæki­færi sem aðrir fá ekki. Sagði hún það þó ekki þýða að tæki­fær­in væru enda­laus og að þetta væri líka erfið vinna. 

Grein Vult­ure spratt upp úr orðum Lily Rose Depp, dótt­ur stór­leik­ar­ans Johnny Depp og Vanessu Para­dis, þegar hún neitaði al­gjör­lega að frænd­hygli og kúltúr­börn væru til. „Fólk á net­inu virðist hafa meiri áhuga á hver fjöl­skylda þín er held­ur hvaða fólk það er sem ræður mann í hlut­verk. Kannski nær maður að setja fót­inn inn fyr­ir dyrn­ar, en maður er samt bara með ann­an fót­inn. Það er mik­il vinna að halda áfram eft­ir það,“ sagði hin unga Depp í viðtali við Elle, en hún hef­ur setið fyr­ir í her­ferðum franska tísku­húss­ins Chanel frá því hún var ung­ling­ur. 

Á TikT­ok hef­ur #nepoba­by notið mik­illa vin­sælda. Skjá­skot

Eldri kyn­slóðir gapa

TikT­ok-kyn­slóðin er ekki eina kyn­slóðin sem virðist vera gáttuð á umræðunni því eldri kyn­slóðir virðast vera enn gáttaðri á því að unga kyn­slóðin hafi ekki vitað að all­ir væru skyld­ir öll­um í Hollywood. Það má þó út­skýra það á ein­fald­an máta, mörg þeirra kúltúr­barna sem kyn­slóðin er hvað mest hissa eru ein­mitt af TikT­ok-kyn­slóðinni. 

Eðli máls­ins sam­kvæmt man þessi kyn­slóð ekki eft­ir því þegar jafn­aldr­ar þeirra fædd­ust og flettu ekki glans­tíma­rit­um þar sem fjallað var um barneign­ir stjarn­anna.

Umræðuna um kúltúr­börn­in er þannig búið að út­skýra fyr­ir eldri kyn­slóðum á öðrum hverj­um fjöl­miðli í Banda­ríkj­un­um og hef­ur umræðan líka náð aust­ur yfir hafið til Bret­lands.

• Blogga um frétt