Sendir kveðju úr sjúkrarúminu

Bandaríski leikarinn Jeremy Renner þakkaði aðdáendum sínum fyrir stuðninginn síðustu daga eftir að hann lenti í slysi á landareign sinni. Renner deildi mynd á samfélagsmiðlum þar sem hann liggur marinn og blár í sjúkrarúminu. 

Renner slasaðist alvarlega á nýársdag þegar hann var að troða snjó fyrir utan heimili sitt. Var hann fluttur með sjúkraþyrlu á sjúkrahús. Lenti hann undir snjóruðningstæki sem vegur um 6,5 tonn. 

Fékk hann mikið högg á brjóstið og meiddist alvarlega á fótlegg. Hann fór í aðgerð á mánudagskvöld og hefur verið á gjörgæslu síðan. 

„Takk fyrir allar kveðjurnar. Ég er of tjónaður til að skrifa. En ég sendi ykkur ást og kærleik,“ skrifaði Renner við mynd af sér.

• Blogga um frétt