Mánudjassinn fluttur yfir á Le Kock

Mánudjassinn, hinn vikulegi viðburður djassara og annarra áhugamanna um tónlist og menningu, hefur gert Le Kock að heimastað sínum.

Djassinn fékk að óma eins og oft áður á mánudögum. mbl.is/Eggert Jóhannesson

Hóf göngu sína 2014

„Þar geta allir djassunnendur spreytt sig,“ segir Birkir Blær Ingólfsson, einn skipuleggjenda Mánudjassins og saxófónleikari.

Að sögn Birkis hóf Mánudjassinn göngu sína árið 2014 og hefur ávallt verið á mánudögum, eins og nafnið gefur til kynna.

mbl.is/Eggert Jóhannesson

Allir mega taka þátt

Byrjað var á Húrra en eftir flakk varð Le Kock fyrir valinu. Birkir segir kjarnahljómsveit hefja dagskrána, sem síðan leiði hópinn í svokallað djammsessjón, þar sem allir geta tekið þátt.

Fyrsta kvöldið á Le Kock var haldið á mánudag og þótti vel heppnað.