Rúmenska lögreglan hefur gert húsleit í sjö fasteignum í eigu sparkboxarans og samfélagsmiðlastjörnunnar Andrew Tate. Húsleitirnar voru gerðar í tengslum við rannsókn á tengslum Tate við mansalshrings. 

Tate og bróðir hans Tristan Tate voru handteknir í Rúmeníu hinn 29. desember og dæmdir í 30 daga gæsluvarðhald daginn eftir. Þeir neita öllum ásökunum að sögn lögmanns þeirra og áfrýjuðu dómi um gæsluvarðhald en höfðu ekki erindi sem erfiði. 

Frétt af mbl.is

Tate leiddur fyrir dómara

Húsleit var gerð í sjö eignum í grennd við höfuðborgina Búkarest en þar er deild sem rannsóknar skipulagða glæpastarfsemi fer með rannsóknina. Auk þeirra bræðra voru tveir karlmenn af rúmenskum uppruna handteknir. 

Lögregla gerði húsleit í villu í eigu Tate í apríl á síðasta ári og seinna í desember var einni gerð húsleit í fimm eignum hans í landinu undir lok desember. 

Eru þeir bræður taldir eiga hlut í máli í víðtækum mansalshring sem lögregla telur að hafi starfað síðan 2019. Ákæruvaldið telur þá hafa misnotað kynferðislega nokkur fórnarlömb, þar af nokkur undir lögaldri. Eru Tate-bræður sagðir hafa beitt blekkingum til þess að ná valdi yfir fórnarlömbunum.

Tengdar fréttir

Andrew Tate

Tate-bræðrum frjálst að fara frá Rúmeníu

• Hægt að rétta í mansalsmálinu
• Tate-bræður handteknir í Rúmeníu
• Tate tjáir sig um atvikið á Alþingi
• Sagðist ætla að gera „tíkurnar að þrælum“

» Fleiri tengdar fréttir

• Blogga um frétt