Rúmenska lögreglan hefur lagt hald á eignir bardagamannsins Andrew Tate sem nú er til rannsóknar, ásamt bróður sínum Tristan, en þeir eru grunaðir um að hafa tekið þátt í mansali. 

Frétt af mbl.is

Víðtækar húsleitir í fasteignum Andrew Tate

Lögreglan mun hafa lagt hald á fjölda bifreiða í Búkarest sem eru í eigu Andrews Tate og nýuppgert hús. 

Erlendir fjölmiðlar telja að yfirvöld séu að búa sig undir að geta komið til móts við skaðabótakröfur fórnarlamba mansalsins, verði þeir bræður fundnir sekir.

Hluti bílaflotans sem lögreglan lagði hald á. AFP/Daniel Mihailescu

 Bifreiðarnar og íbúðarhúsið eru í glæsilegri kantinum og því mikil verðmæti þar á ferðinni. Lífsstíll Andrews Tate varð meðal annars til þess að lögregla og skattayfirvöld fóru að beina spjótum sínum að honum til að byrja með. 

Andrew Tate er 36 ára gamall og fæddur í Bandaríkjunum. Ólust þeir bræður upp í Chicago en þegar foreldrarnir skildu flutti móðir þeirra með þá til Englands. Síðar fluttist Andrew Tate til Rúmeníu. Keppti hann í kickboxi og vann 75 viðureignir af 85. Hann á að baki þrjár viðureignir í MMA og vann tvær þeirra. 

Fjölmiðlar voru viðstaddir aðgerðir lögreglu í Búkarest. AFP

Tengdar fréttir

Andrew Tate

Tate-bræðrum frjálst að fara frá Rúmeníu

• Hægt að rétta í mansalsmálinu
• Tate-bræður handteknir í Rúmeníu
• Tate tjáir sig um atvikið á Alþingi
• Sagðist ætla að gera „tíkurnar að þrælum“

» Fleiri tengdar fréttir

• Blogga um frétt