Leikarinn Alec Baldwin verður ákærður fyrir manndráp af gáleysi. Leikarinn hleypti skoti úr byssu við tökur á kvikmyndinni Rust sem varð tökumanninum Halynu Hutchins að bana.

Mary Carmack-Altwies, ríkissaksóknari Santa Fe, tilkynnti í dag að bæði Baldwin og Hannah Gutierrez Reed yrðu ákærð fyrir manndráp af gáleysi fyrir mánaðarmót. Reed sá um öryggisráðstafanir á tökustað. 

BBC greinir frá. 

Baldwin var að æfa sig fyrir senu þar sem hann átti að beina leikmunabyssu að tökuvél, en í henni reyndust vera raunveruleg byssuskot. 

Baldwin hefur áður sagt að hann hafi ekki tekið í gikkinn og að honum hafi verið tjáð að ekki væru raunveruleg skot í byssunni.  

Tengdar fréttir

Alec Baldwin

Máli Alecs Baldwin vísað frá dómi

• Alec Baldwin gæti hlotið 18 mánaða dóm
• Réttarhöld að hefjast yfir Baldwin
• Alec Baldwin áreittur af stuðningsmanni Palestínu
• Sögð hafa verið timbruð þegar hún hlóð byssuna

» Fleiri tengdar fréttir

• Blogga um frétt