Poppdívan Shakira er sögð hafa komist að því að fyrrverandi kærasti hennar til ellefu ára, spænska fótboltastjarnan Gerard Piqué, hafi haldið haldið framhjá henni þegar hún kom heim eftir að hafa verið á ferðalagi og opnaði ísskápinn á heimili þeirra. 

Shakiru byrjaði að gruna að eitthvað grunsamlegt hafi átt sér stað þegar hún sá að sultukrukkur hefðu horfið úr ísskáp þeirra, en samkvæmt Show News Today borðuðu hvorki Piqué né börnin þeirra sultu. 

Í tónlistarmyndbandi við smáskífu hennar og Rauw Alejandro, Te Felicito, er talið að Shakira leiki atburðarásina eftir þar sem hún opnar ísskápinn og finnur þar höfuð Alejandro á fati. Árið 2022 var erfitt ár fyrir Shakiru, en ofan á sambandsslitin rataði söngkonan mikið í fjölmiðla vegna ákæru fyrir skattsvik og var gert að mæta fyrir dómstóla. 

Fer ófögrum orðum um nýju kærustuna

Í síðustu viku kom Shakira aðdáendum sínum heldur betur á óvart þegar hún gaf út lag þar sem hún gerir kaldhæðnislegt grín að fyrrverandi kærasta sínum og nýju 23 ára gömlu kærustunni hans, Clara Chia Marti. Í textanum fer hún ófögrum orðum um parið. 

„Þú skildir mig eftir með tengdamóður mína sem nágranna, fjölmiðla við dyrnar hjá mér og í skuld við ríkið,“ syngur söngkonan í nýja laginu sem er á spænsku, en á aðeins sjö dögum hefur lagið fengið yfir 150 milljónir áhorfa á Youtube.

Tengdar fréttir

Ást í Hollywood

Sagður eiga í ástarsambandi við mun yngri konu

• Hávær orðrómur um hjónaskilnað
• Skellti sér á skeljarnar á fallegri strönd á Bora Bora
• Sögð hafa vitað um meint framhjáhald Jackman og Foster
• Stjörnuhjón hvort í sína áttina

» Fleiri tengdar fréttir

• Blogga um frétt