„Það er ekkert til sem heitir réttlæti í Rúmeníu,“ sagði áhrifavaldurinn og sparkboxarinn Andrew Tate þegar hann færður til yfirheyrslu hjá lögreglu í Búkarest í dag. BBC greinir frá.

Tate sagðir engan fót fyrir ásökunum lögreglu en hann og bróðir hans Tristan Tate sæta nú gæsluvarðhaldi. Er þeim gert að sök að hafa skipulagt og tekið þátt í mansali og að hafa beitt kynferðislegu ofbeldi.

Lögregla hefur ekki enn gefið út ákæru í málinu en bræðurnir og tvær rúmenskar konur voru handtekin hinn 29. desember síðastliðinn. Hin 20. janúar var gæsluvarðhald yfir þeim framlengt til 27. febrúar.

Frétt af mbl.is

Varðhald Tate-bræðra framlengt

Ákæruvaldið segir bræðurna hafa skipulagt mansalshring. Þeir hafi beitt blekkingum og lokkað til sín fórnarlömb á þeim grundvelli að þeir vildu stofna til ástarsambands. Segir ákæruvaldið að þeir hafi lokkað fórnarlömb sín í húsnæði í úthverfum Búkarest þar sem þau voru misnotuð kynferðislega og neydd til að búa til klámfengið efni. Bræðurnir hafa neitað öllum ásökunum.

Fyrir utan lögreglustöð í Búkarest í dag spurðu fjölmiðlamenn bræðurna hvort þeir hafi lagt hendur á konur. „Auðvitað ekki. Þau vita að við gerðum ekkert rangt,“ sagði Tate.

Tengdar fréttir

Andrew Tate

Tate-bræðrum frjálst að fara frá Rúmeníu

• Hægt að rétta í mansalsmálinu
• Tate-bræður handteknir í Rúmeníu
• Tate tjáir sig um atvikið á Alþingi
• Sagðist ætla að gera „tíkurnar að þrælum“

» Fleiri tengdar fréttir

• Blogga um frétt