Hvað sagði Sigurður?

Álíka mikil óreiða hefur einkennt veðrið síðustu vikur og kjaradeilu Eflingar og Samtaka atvinnulífsins. Lægðirnar koma líkt og á færibandi yfir landið og hver viðvörunin rekur aðra. Veðurfræðingar eru kannski orðnir jafn þreyttir og allir hinir á lægðunum.

Frétt af mbl.is

Viðvaranir í gildi frá kvöldinu og fram á sunnudag

Kristján Freyr vakti athygli á því á Twitter í gær að svo virtist sem Sigurður Jónsson veðurfréttamaður bölvaði kortinu þegar hann hóf veðurfréttatímann á dögunum. „Já, komið þið sæl. Ef við byrjum á því að skoða helvítis kortið og þróunina næstu daga,“ skrifar Kristján við myndskeið af Sigurði.

Líklegra er þó að Sigurður hafi sagt yfirlitskortið, en ekki „helvítis kortið“, enda ekki á fyrsta árinu sínu í veðurfréttunum. Það er þó misjafnt hvað fólk heyrir. 

• Blogga um frétt