Allt gekk á afturfótunum í Melodi Grand Prix á danska ríkisútvarpinu, DR, á laugardagskvöld. Vitlaust númer birtist á skjánum hjá íslensku þátttakendunum Brynju Mary og Söru Victoriu Sverrisdætrum, kosningaappið lá niðri og atkvæði í gegnum sms bárust seint og illa.

Færeyska TikTok-stjarnan Reiley vann keppnina sem gagnrýnd hefur verið í dönskum fjölmiðlum síðan á laugardagskvöld. Verður hann fyrsti Færeyingurinn til að keppa í Eurovision-söngvarkeppninni sem að þessu sinni fer fram í Liverpool á Bretlandi. 

Frétt af k100.is

Íslenskar systur í dönsku söngvakeppnina

Fyrir keppnina hafði Brynju og Söru verið spáð sigri. Lentu þær í því í beinni útsendingu ekki bara einu sinni heldur tvisvar að míkrófónar þeirra voru ekki tengdir í viðtölum bak við tjöldin. 

Sigurvegarinn fékk undanþágu

Melodi Grand Prix fékk slæma útreið í Ekstrabladet og BT í gær, blaðamenn BT segja það hafa verið eins og að horfa á kvikmyndina Titanic.

Þá er það einnig gagnrýnt í Billedbladet að Reiley sigurvegari keppninnar hafi fengið undanþágu vegna lags síns Breaking My Heart. Lagið hafði hann áður spilað á tónleikum, en slíkt er ekki leyfilegt í undankeppni fyrir Eurovision. Spilaði hann lagið á tónlistarhátíðinni Slow Life Slow Live í Seúl í Suður-Kóreu síðasta haust. 

Auk þess notast hinn færeyski Reiley við „auto tune“ í lagi sínu, en slíkt er ekki heldur leyfilegt.

Tengdar fréttir

Eurovision

Þessi komust áfram í söngvakeppninni

• „Aldrei lagt eins mikið á mig fyrir eins fáar mínútur“
• Aldrei verið framkvæmt áður
• Slógu í gegn með „næstum“ Eurovision-lagi Íslands og sigla á svið
• 9 ára þegar kjarnaminningin kviknaði

» Fleiri tengdar fréttir

• Blogga um frétt