Jenner komin með óþekkan elskhuga
Setja bókamerki
Ofurfyrirsætan Kendall Jenner er sögð komin með nýjan kærasta. Jenner sást yfirgefa veitingastað á laugardagskvöldið rétt eins og tónlistarmaðurinn Bad Bunny. Jenner og Óþekka kanínan, eins og þýða mætti listamannsnafn Benitos Antonios Martínez Ocasios, eru sögð vera að stinga saman nefjum.
Kardashian-stjarnan og Bad Bunny voru á veitingastaðnum Wally's í Beverly Hills í Kaliforníu þegar þau voru gripin glóðvolg að því er fram kemur á vef TMZ. Þau voru ekki einu stjörnurnar á staðnum en sama kvöld voru þar einnig hjónin Justin og Hailey Bieber og er talið að pörin tvö hafi verið á tvöföldu stefnumóti.
Talsmenn stjarnanna vildu ekki tjá sig um samband þeirra. Jenner hætti með kærasta sínum körfuboltakappanum Devin Booker í nóvember en aðalástæðan var sú að mikið var að gera hjá þeim. Rapparinn Bad Bunny er frá Púertó Ríkó. Hann var sá listamaður sem þénaði mest í heiminum á tónleikahaldi í fyrra.
Oddvitaviðtöl í Reykjavík suður
„Ég er bara vongóður“
Engin læknisþjónusta á heilsugæslunni í verkfalli
Ný könnun: Sjálfstæðisflokkur dalar enn
Biðlistar eftir skurðaðgerðum gætu lengst
Bindur vonir við að koma fjárlögunum í gegn
Víðir gerir upp mistök frá covid-tímanum