Svíþjóð er nú spáð sigri í Eurovisi­on-söngv­akeppn­inni sem fram fer í Li­verpool í maí næst­kom­andi. Svíþjóð fór á topp­inn í veðbönk­um í gær eft­ir að brot úr lagi söng­kon­unn­ar Lor­een í Melodi­festi­valen fór í loftið á vef sænska rík­is­sjón­varps­ins SVT.

Úkraína hef­ur setið efst í veðbönk­um frá því að þeir opnuðu en Úkraína vann keppn­ina á síðasta ári. Í raun hef­ur Úkraína nú setið í efsta sæti veðbank­anna í ár, en landið skaust strax á topp­inn við inn­rás Rússa fyr­ir einu ári síðan. 

Vef­ur­inn Wiwi­bloggs, Eurovisi­on-aðdá­endasíða, fjallaði um nýj­ustu vend­ing­ar í veðbönk­um í dag. 

Lor­een tek­ur þátt í fjórða undan­k­völdi Melodi­festi­valen nú um helg­ina. Lor­een er goðsögn í Eurovisi­on-heim­in­um eft­ir að hún vann keppn­ina með lag­inu Eup­horia árið 2012. Nýtt lag Lor­een ber titil­inn Tattoo. 

Bú­ist er við því að Lor­een kom­ist áfram upp úr riðli sín­um í Melodi­festi­valen annað kvöld. Þá er eft­ir undanúr­slita­kvöld sem haldið verður hinn 4. mars og 11. mars munu Sví­ar svo loks velja fram­lag sitt til keppn­inn­ar í ár. 

Úkraínu­menn eru bún­ir að velja sitt fram­lag til keppn­inn­ar í ár, lagið Heart of Steel sem Tvorchi flyt­ur.

Ísland er að svo stöddu í 32. sæti í veðbönk­um en seinna undan­k­völd Söngv­akeppni sjón­varps­ins fer fram annað kvöld. Úrslita­kvöld keppn­inn­ar er svo 4. mars næst­kom­andi.

Tengd­ar frétt­ir

Eurovisi­on

Þekkt­ur grín­hóp­ur kepp­ir fyr­ir hönd Svíþjóðar í Eurovisi­on

• Stúlkna­sveit kepp­ir í Eurovisi­on fyr­ir hönd Bret­lands
• Upp­seld­ir á auga­bragði – nýtt æði gríp­ur þjóðina
• Mun Ísland fá að keppa í Eurovisi­on?
• Söngv­akeppn­in: Svona skipt­ust at­kvæðin

» Fleiri tengd­ar frétt­ir

• Blogga um frétt