Verður sú síðasta

Höfundur þáttanna Succession, Jesse Armstrong, segir fjórðu seríu af þáttunum verða þá síðustu sem gerð verður. 

Armstrong segir í viðtali við New Yorker að hann hafi hugsað frá því hann skrifaði aðra þáttaröð hvernig og hvenær hann ætti að ljúka þáttunum. „Ég hugsaði aldrei að þessi þáttaröð gæti enst að eilífu. Endinn hefur alltaf verið mér ofarlega í huga. Frá annarri þáttaröð er ég búinn að vera að hugsa, er það næsta, sú sem kemur á eftir henni, eða sú sem kemur á eftir þeirri?“ sagði Armstrong. 

Ingvar E. Sigurðsson fór með hlutverk í fyrstu þáttaröð Succession en hann er ekki eini Íslendingurinn sem er í þáttunum. Jóhannes Haukur Jóhannesson leikari fer með hlutverk í fjórðu þáttaröðinni og verður meðal annars í allra síðasta þætti Succession. 

Fjórða þáttaröð fer í loftið 24. mars næstkomandi. 

Frétt af mbl.is

Þóttist kunna sænsku fyrir hlutverk

• Blogga um frétt