Ömmur og Hamilton-leikarar setja TikTok á hliðina

Notendur samfélagsmiðilsins TikTok hafa keppst við að endurgera hið eftirminnilega atriði Rihönnu sem tryllti lýðinn í hálfleik Ofurskálar NFL-deildarinnar í Bandaríkjunum í febrúar síðastliðnum. 

Þó svo mörgum netverjum hafi tekist nokkuð vel til eru tvö atriði sem standa án efa upp úr og hafa gert allt vitlaust á miðlinum síðustu daga, annars vegar er það hópur af ömmum á elliheimili í Kentucky í Bandaríkjunum, og hins vegar hópur Hamilton-leikara í Ástralíu. 

Myndböndin eru með yfir 20 milljónir áhorfa hvort og hafa vakið mikla lukku á miðlinum. Þau hafa sannarlega ólíkar áherslur og hafa hvort sinn sjarma, en þau eiga það þó sameiginlegt að hafa skemmt milljónum hvaðanæva að úr heiminum. 

• Blogga um frétt