Úrslitastund í kvöld
Setja bókamerki
/frimg/1/54/36/1543636.jpg)
Úrslitakvöld söngvakeppninnar verður í beinni útsendingu á RÚV í kvöld, en þá verður valið framlag Íslands í Eurovision, sem haldin verður í Liverpool í maí. Þau lög sem komust áfram úr undanúrslitunum og keppa í kvöld.
Kosningin í kvöld verður með öðru sniði en síðustu tvö laugardagskvöld en nú verður hún í tveimur hlutum. Í fyrri hluta keppninnar keppa öll fimm lögin og sem fyrr fá landsmenn að kjósa á milli laganna í símakosningu og með smáforritinu RÚV Stjörnur.
Í þessari fyrri kosningu mun alþjóðleg dómnefnd, skipuð 10 fagaðilum víðsvegar úr Evrópu, hafa helmingsvægi á móti kosningu almennings. Tvö atkvæðamestu lögin í þessari fyrri kosningu fara þá í hið svokallaða einvígi og verða flutt aftur.
Þá hefst seinni hlutinn kosningar og aðeins almenningur fær að kjósa á milli þessara tveggja laga. Atkvæðin úr fyrri kosningunni fylgja þó lögunum tveimur inn í einvígið. Það verður því stigahæsta lag kvöldsins sem sigrar keppnina og fær farmiðann til Liverpool. Hægt er að kjósa hvert lag 40 sinnum í hvorri kosningu, 20 í gegnum símakosninguna (með því að hringja eða senda sms) og 20 sinnum með smáforritinu RÚV Stjörnur.
Í undanúrslitum fluttu allir keppendur lögin á íslensku. Í kvöld hafa verða hinsvegar fjögur laganna flutt á ensku, en reglur keppninnar kveða á um að lögin á úrslitakvöldinu skulu flutt á því tungumáli sem þau verða flutt á í Liverpool, sigri lagið keppnina.
Alþjóðlega dómnefndin er skipuð 4 Íslendingum og 6 erlendum fagaðilum. Þetta eru:
Lovísa Elísabet Sigrúnardóttir (Lay Low) tónlistarkona - Ísland
Jón Ólafsson tónlistarmaður - Ísland
Jóhann Kristófer Stefánsson (Joey Christ) listamaður - Ísland
Gugusar (Guðlaug Sóley Höskuldsdóttir) tónlistarkona - Ísland
Gaute Ormåsen Eurovisionkeppandi 2022 - Noregur
Ersin Parlak Tónlistarumboðsmaður og Fjölmiðlafulltrúi San Marínó í Eurovisison - Tyrkland
Ramūnas Zilnys Tónlistarstjóri hjá Liháeska Ríkisútvarpinu - Litháen
Helena Nilsson samfélagsmiðlastjóri - Svíþjóð
Ihan Haydar Eurovisionkeppandi 2022- Danmörk
Emely Griggs Dagskrárstjóri hjá Ástralska ríkissjónvarpinu - Ástralía
Hér er framkomuröð og kosninganúmer laganna í kvöld:
Sigga Ózk - Dancing Loneley - 900 9901
Bragi - Sometimes the world's against you - 900 9902
Celebs - Doomsday Dancing - 900 9903
Diljá - Power - 900 9904
Langi Seli og Skuggarnir - OK - 900 9905
„Hann neitaði ekki sök á þessum fundi“
„Svakalega öflug lægð“
Fer annan hring í borginni og framkvæmdir frestast
Bráðabirgðalögbann á Trump
Þúsundir flýja heimili sín á ný
Foreldrar stefna kennurum: „Þetta er neyðaraðgerð“
Tveggja ára fangelsi fyrir manndráp á Lúx