Gary Rossington látinn

Gítarleikarinn Gary Rossington er látinn 71 árs að aldri. Rossington var síðasti stofnmeðlimur rokksveitarinnar Lynyrd Skynyrd. 

Rossington spilaði á öllum plötum sveitarinnar og var meðhöfundur lagsins Sweet Home Alabama sem kom út árið 1975. 

Hann var einnig einn af þeim sem lifaði af flugslys árið 1977, en í því létust nokkrir liðsmenn sveitarinnar. 

Rossington hafði glímt við hjartabilun undanfarin ár en hafði þó verið virkur í tónlistarlífinu og spilaði síðast á tónleikum í febrúar. 

Greint var frá andláti hans á Facebook-síðu sveitarinnar sem lifir stofnmeðlimi sína. 

„Gary er nú kominn til Skynyrd-bræðra sinna og fjölskyldu sinnar á himninum og spilar fallega, eins og hann gerði alltaf,“ segir í færslunni. 

Ekki var greint frá dánarorsök en vitað er til þess að Rossington hafi farið í hjartaaðgerð árið 2021. 

• Blogga um frétt