Ísland klifrar upp í veðbönkum
Setja bókamerki
/frimg/1/53/24/1532482.jpg)
Ísland klifraði upp um tvö sæti í veðbönkum um helgina og situr nú í 26. sæti Eurovision World, sem reiknar saman spár helstu veðbanka fyrir Eurovision-söngvakeppnina. Um helgina réðst hvert framlag okkar Íslendinga verður í keppninni í ár, lagið Power í flutningi Diljár Pétursdóttur.
Á undanförnum vikum hefur Ísland flakkað á milli sæta 32 og 30, en þegar lá fyrir hvaða lög yrðu flutt á úrslitakvöldinu komst landið upp í 28. sæti.
Vinningslíkurnar eru þó enn ekki ýkja miklar, undir 1%.
Skandínavísk sveifla
Hinum Norðurlöndunum er spáð talsvert betra gengi í keppninni að svo stöddu, að undanskildum Dönum sem er spáð 28. sæti.
Svíþjóð, sem ekki hefur enn valið framlag sitt til keppninnar, er spáð sigri. Líklegt þykir að söngkonan Loreen verði fulltrúi landsins, en hún er Eurovision-heiminum vel kunn. Vann hún Eurovision árið 2012 með lagið Euphoria.
Finnum er spáð öðru sæti, en Käärijä er fulltrúi landsins og flytur hann sannkallað partílag, Cha Cha Cha.
Norðmönnum er svo spáð 5. sætinu, en framlag þeirra í ár er lagið Queen of Kings í flutningi Alessöndru.
Ríkisstjórnin ekki beint á leiðinni í jólafrí
„Mikilvægt að hvíla viðbragðið“
Nokkur útköll hjá Landsbjörg
„Umferðin greinilega að þyngjast“
„Svindlherferðir eru að færast í aukana“
Fjallvegir á Vestfjörðum og víða um land á óvissustigi
Íslendingar vanir að klæða sig vel