Spár veðbanka um gengi Íslands í Eurovision eru oft ekki svo langt frá endanlegri niðurstöðu keppninnar. Þetta má sjá þegar gengi Íslands er borið saman við spár veðbanka síðustu fjögur ár.

Árangur Systra var litlu lakari en spár gerðu ráð fyrir á síðasta ári og lentu þær í 23. sæti en ekki því 21. eins og spáð var.

Árið 2021 gekk Íslandi betur en spár gengu ráð fyrir og lentu Daði og Gagnamagnið í 4. sæti í keppninni þrátt fyrir að hafa ekki getað stigið á sviðið í persónu vegna kórónuveirusmits í hópnum. Þá var Daða og Gagnamagninu spáð 7. sætinu með lagið 10 Years.

Aflýst árið 2020

Árið 2020 var keppninni aflýst vegna faraldursins. Það ár var Íslandi spáð 4. sæti í keppninni, enda naut lagið Think About Things mikilla vinsælda um heim allan. Lenti lagið til dæmis í 2. sæti í kosningu samtaka áhugafólks um Eurovision-söngvakeppnina, OGAE.

Árangur Hatara árið 2019 í Ísrael var nokkuð svipaður og spár gerðu ráð fyrir og lenti sveitin í 10. sæti en var spáð því níunda. 

Nú þegar rúmir tveir mánuðir eru þangað til Diljá Pétursdóttir stígur á stóra sviðið í Liverpool er henni spáð 24. sætinu.

Tengdar fréttir

Eurovision

Fyrstu viðbrögðin við Söngvakeppninni: „Vá!“

• Nýtt fyrirkomulag við val á vinningslagi
• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun

» Fleiri tengdar fréttir

• Blogga um frétt