Stelling Halldórs Benjamíns vekur athygli

Fótastaða Halldórs Benjamíns Þorbergssonar, framkvæmdastjóra Samtaka atvinnulífsins (SA), hefur vakið mikla athygli á samfélagsmiðlum. Í TikTok-myndbandi sést hversu gleitt Halldór stendur í viðtali við Ríkissjónvarpið. 

„Jæja. Hvað er í gangi? Ég er í alvöru forvitinn, er þetta bara svona þægileg staða?“ skrifar Arnór Bogason sem fyrstur vakti athygli á málinu.

Hversu langt niður kemst Halldór?

Fjöldi hefur svarað tísti Arnórs með myndum af öðrum í svipaðri stöðu í sjónvarpsviðtölum og útskýrt að menn séu yfirleitt beðnir um að vera í slíkri stöðu til að vera í sömu hæð og fréttamaður og tökumaður. 

Pétur Maack stingur upp á að gera áskorun úr málinu og hvetur Ríkissjónvarpið og Stöð 2 til að senda lágvaxnasta fólkið sitt að tala við Halldór Benjamín næst. Þannig sé hægt að sjá hversu langt niður Halldór kemst í spíkat.

• Blogga um frétt