Ólafur í mynd með Malkovich

Útlit er fyr­ir að Ólaf­ur Darri Ólafs­son verði í kvik­mynd með stór­leik­ar­an­um John Mal­kovich.

Á hinum kunna vef IMDb er kvik­mynd­in A Win­ter's Jour­ney merkt sem verk­efni sem sé í fram­leiðslu. 

Ólaf­ur Darri er þar nefnd­ur sem ein helsta stjarna mynd­ar­inn­ar ásamt Mal­kovich og Ja­son Isaacs sem einnig er mjög þekkt­ur.

Isaacs og Ólaf­ur Darri komu einnig báðir við sögu í tölvu­leikn­um The Last Wor­ker árið 2021.

Ég er mjög oft drep­inn

John Mal­kovich er 69 ára gam­all og sankallaður reynslu­bolti í brans­an­um eft­ir að hafa leikið í yfir 70 mynd­um fyr­ir utan fer­il sinn sem sviðsleik­ari.

Hann er ef til vill þekkt­ast­ur fyr­ir túlk­un sína á Lennie í Of Mice and Men á hvíta tjald­inu og fékk þá til­nefn­ingu til Óskar­sverðlauna. 

John Mal­kovich. AFP

Fleiri þekkt­ir leik­ar­ar verða í A Win­ter's Jour­ney eins og Mart­ina Gedeck sem lék í Das Le­ben der And­eren sem vakti mikla at­hygli árið 2006. 

Alex Helfrecht skrif­ar hand­ritið og leik­stýr­ir einnig en mynd­in er að ein­hverju leyti byggð á verk­inu Win­ter­reise eft­ir aust­ur­ríska tón­skáldið Franz Schubert. Svo virðist sem blandað verði sam­an leik­ur­um og teikni­mynda­form­inu í mynd­inni. 

Frétt af mbl.is

Ólaf­ur Darri einn eig­enda ACT4

Vel­gengni Ólafs Darra í leik­list­inni á und­an­förn­um árum hef­ur verið mögnuð en hann var í viðtali í Dag­mál­um á mbl.is í janú­ar þar sem hann fór yfir sviðið. Ný­lega stofnaði hann einnig fram­leiðslu­fyr­ir­tæki ásamt fleir­um. 

Ólaf­ur Darri birti ný­lega þessa mynd af sér með Ja­son Isaacs (lengst til hægri) á In­sta­gram. Á mynd­inni eru einnig Clare Ash og Jörg Tittel. In­sta­gram

• Blogga um frétt