Rúrik hæstánægður með Madama Butterfly

Rúrik Gíslason, áhrifavaldur og fyrrverandi knattspyrnumaður, var meðal gesta á uppsetningu Íslensku óperunnar á Madame butterfly í gær.

Af myndskeiði sem Rúrik deildi með fylgjendum sínum á Instagram að dæma var kappinn hæstánægður með uppsetninguna.

Rúrik notaði ítalska orðið magnífico til að lýsa ánægju sinni með uppsetningu óperunnar. Skjáskot

Standandi lófatak

„Magnífico“ skrifaði Rúrik undir myndbandið þar sem mátti sjá að óperugestir voru staðnir upp til að klappa aðstandendum sýningarinnar lof í lófa.

Mikið hefur verið rætt og ritað um uppsetninguna og hún meðal annars verið gagnrýnd fyrir menningarlega ónærgætni í túlkun sinni á asískum persónum. 

Meðal þeirra sem hafa gagnrýnt óperuna opinerlega fyrir uppsetninguna eru tónlistarkonan Laufey og Suzuki Ryotaro, sendiherra Japans á Íslandi.

Frétt af mbl.is

Laufey og sendiherra Japan gagnrýna sýningu óperunnar

Skálað fyrir óperustjóranum í lok kvölds

Rúrik endaði kvöldið á því að skála í Piper-Heidseck kampavíni til heiðurs Steinunnar Ragnarsdóttur, óperustjóra.

Rúrik dreypti á kampavíni í lok kvölds. Skjáskot

• Blogga um frétt