Nauðungarvistuð á geðdeild

Leikkonan Amanda Bynes var nauðungarvistuð á geðdeild á sunnudag eftir að hafa reikað um götur Los Angeles nakin. 

Í samtali við TMZ sögðu sjónarvottar að Bynes, sem er með geðhvörf, hafi ráfað um göturnar nakin og sagði ökumönnum að hún væri í maníu.

Hún hringdi síðar sjálf í neyðarlínuna og var flutt á næstu lögreglustöð. Í kjölfarið var hún vistuð á geðdeild. 

Bynes hafði ætlað að mæta á poppmenningarráðstefnuna 90s-con í Connecticut með skærustu stjörnum tíunda áratugsins en hætti við vegna veikinda.

Frétt af mbl.is

Stjörnur tíunda áratugarins mættu í öllu sínu veldi

Fékk frelsið aftur í fyrra

Leikkonan endurheimti sjálfræði sitt á síðasta ári. Hafði móðir hennar verið lögráðamaður hennar í níu ár fyrir það. Móðir Bynes og geðlæknir hennar studdu hana í ferlinu að sækja aftur um sjálfræði. 

Missti hún upphaflega sjálfræðið eftir að hún var nauðungarvistuð á geðdeild árið 2013. Auk þess að vera með geðhvörf hefur Bynes glímt við fíknisjúkdóm.

Frétt af mbl.is

Bynes endurheimti frelsið

• Blogga um frétt