Ásakanir gegn Paltrow „kjaftæði“

Steven Owens, lögmaður leikkonunnar Gwyneth Paltrow, segir ásakanir gegn henni sem varða skíðaslys er varð í Utah árið 2016, vera algjört kjaftæði. Hann segir manninn sem höfðar mál gegn henni, Terry Sanderson, vera með þráhyggju fyrir leikkonunni og þessum málarekstri. 

Frétt af mbl.is

Paltrow í dómssal

Aðalmeðferð málsins hófst í Park City í Utah í gær. Sanderson höfðaði skaðabótamál gegn leikkonunni. Sakar hann hana um að hafa klesst á sig í brekkm Deer Valley-skíðasvæðisins og skíðað burt án þess að veita honum aðstoð. 

Owens segir ásakanirnar tilhæfulaust kjaftæði. 

Terry Sanderson er 76 ára fyrrverandi sjóntækjasérfræðingur. AFP/Rick Bowmer

Fjölskyldan ber vitni

Búist er við því að meðferð málsins taki átta daga. Mun Paltrow að líkindum bera vitni, sem og eiginmaður hennar Brad Falchuk. Börn hennar Moses og Apple einnig. 

Lögmaður Sanderson, Lawrence D. Buhler, sagði í opnunarræðu sinni í gær að Paltrow hafi rennt sér hratt og af gáleysi niður brekkuna. 

Hún hafi klesst aftan á Sanderson með þeim afleiðingum að hann hlaut áverka á höfði og búk.

Paltrow huldi andlit sitt á leið út úr réttarsalnum í gær. AFP/Rick Bowmer

• Blogga um frétt