„Nýr fjölskyldumeðlimur mættur og heitir Snorri“

Fjölskylda Lilju Daggar Alfreðsdóttur, menningar- og viðskiptaráðherra, stækkaði á dögunum þegar Snorri litli bættist í hópinn. 

„Nýr fjölskyldumeðlimur mættur og heitir Snorri! Hann er yndislegur í alla staði en ekki alveg tilbúinn í hlaupin strax og þá er það bara bakpokinn,“ skrifaði Lilja við fallega mynd af Snorra sem naut þess að kynnast náttúrufegurðinni í Fossvoginum. 

Ráðherrar sem elska hunda

Ráðherrarnir virðast elska besta vin mannsins alveg jafn mikið og við hin. Ásmundur Einar Daðason, mennta- og barnamálaráðherra, er til að mynda með myndarlegan hóp hunda af tegundinni Golden Retriver sem eiga ekki í erfiðleikum með að bræða alla í kringum sig. 

Í september árið 2021 kvaddi Bjarni Benediktsson, fjármála- og efnahagsráðherra, hundinn Bó sem var franskur bolabítur, með miklum söknuði. 

Frétt af mbl.is

Bjarni syrgir hundinn Bó

• Blogga um frétt