Hljóðbókaunnendur fagna með Hugleiki í kvöld
Setja bókamerki
Í kvöld verða íslensku hljóðbókaverðlaunin, Storytel Awards, veitt í fjórða sinn í Hörpu. Hugleikur Dagsson verður kynnir verðlaunahátíðarinnar sem er árlegur viðburður þar sem hljóðbókaunnendur, útgefendur, höfundar og lesarar fagna saman útgáfu vönduðustu hljóðbóka ársins.
Alls voru 30 hljóðbækur tilnefndar í sex mismunandi flokkum, en þeir eru barna- og ungmennabækur, glæpasögur, skáldsögur, óskáldað efni, ljúflestur og hljóðseríur. Auk þess sem veitt verða sérstök heiðursverðlaun fyrir ómetanlegt framlag eða framúrskarandi verk á sviði hljóðbóka.
Yfir 80% hlustunar og lesturs á íslensku
Í ár verða í fyrsta sinn veitt sérstök verðlaun fyrir hljóðseríu ársins sem eru sögur í nokkrum hlutum. Þar spilar hljóðheimurinn stórt hlutverk og í sumum verkum eru einnig leiklesnar senur og frumsamin tónlist.
Að sögn Lísu Bjarkar Óskarsdóttur, framkvæmdastjóra Storytel á Íslandi, er ánægjulegt að sjá að bæst hafi í flóru tilnefndra útgefenda.
„Útgefendur á Íslandi eru í auknum mæli að framleiða hljóðbækur sem er mikið ánægjuefni fyrir íslenska hlustendur. Í fyrra komu út um 300 hljóðbækur og 200 rafbækur á íslensku hjá Storytel. Hlustendur Storytel á Íslandi hafa aðgang að þúsundum bóka á fimm tungumálum, en yfir 80% hlustunar og lesturs er á íslensku,“ segir Lísa.
Vandinn er meiri en margur heldur
Höfum nægan tíma til að bregðast við
Hroðaleg þróun sem þarf að bregðast við
Fjáröflunin gegn stefnu þjóðgarðsins
Bjartsýn á að opna nýjan Kársnesskóla næsta haust
Alvarleg staða og erfið hjá kennurum
Gosmóða víða um land og hraun „bunkast upp“
Aldrei um neitt annað að ræða en að klára verkið