Heimsótti fólkið sem bjargaði lífi hans

Leikarinn Jeremy Renner heilsaði upp á heilbrigðisstarfsfólkið sem annaðist hann í kjölfar lífshættulegs slyss sem hann varð fyrir í ársbyrjun. Snjómokstursbíll ók yfir fótlegg hans og fékk leikarinn mikla áverka. 

Hawkeye–stjarnan deildi ótal myndum frá heimsókninni á Instagram þar sem hann brosti sínu breiðasta ásamt heilbrigðisstarfsfólki Renown Regional Medical Center í Reno, Nevada. „Ég fékk að heimsækja þann ótrúlega hóp sem bjargaði lífi mínu,“ skrifaði Renner undir myndirnar þar sem hann stillti sér upp við hlið lækna, hjúkrunarfræðinga og annarra starfsmanna sjúkrahússins. 

Frétt af mbl.is

Snjóbíll fór yfir fótlegg leikarans

Í janúar á þessu ári varð Renner fyrir snjómokstursbíl þegar hann reyndi að bjarga frænda sínum frá því að verða fyrir bílnum. Leikarinn braut yfir 30 bein, hlaut alvarlega áverka á brjóstholi ásamt því að missa mikið blóð.  Renner hefur þó náð undraverðum árangri eftir slysið í gegnum endurhæfingu og verið duglegur að leyfa aðdáendum sínum að fylgjast með bataferlinu á samfélagsmiðlum þar sem hann sömuleiðis hvetur fólk til þess að gefast aldrei upp. 

Frétt af mbl.is

Jeremy Renner útskrifaður af spítala

Heimsókn Renners á sjúkrahúsið átti sér stað eftir að hann sneri aftur á rauða dregilinn en leikarinn mætti á frumsýningu Disney+ þáttanna Rennervations. Í þáttunum ferðast Renner víðsvegar um heiminn, heimsækir þjóðfélög og endurgerir ýmis konar farartæki sem hann svo gefur samfélaginu í þeirri von um að það mæti þörfum þess. 

• Blogga um frétt