K-pop stjarna fannst látin

Suður–kóreski söngvarinn og meðlimur hljómsveitarinnar Astro, Moonbin, er látinn 25 ára að aldri. 

Erlendir fjölmiðlar vitnuðu í upplýsingar frá lögreglu og greindu frá því að Moonbin hefði fundist meðvitundarlaus á miðvikudagskvöld í íbúð sinni í hinu glæsilega Gangnam–hverfi í Seúl. 

„Hinn 19. apríl yfirgaf Astro–meðlimurinn Moonbin óvænt heiminn okkar og varð að stjörnu á himni,“ var sagt í opinberri yfirlýsingu frá umboðsskrifstofu Astro sem birtist snemma á fimmtudag á opinberri Twitter–síðu Fantagio.

Árið 2016, þegar Moonbin var einungis 18 ára gamall, gekk hann til liðs við hina vinsælu suður–kóresku strákahljómsveit, Astro. 

• Blogga um frétt